نشر بتاريخ 20 أبريل 2014 23:50:15

A mma-nw a mer tannayt memmi-m mani g illa

Yan uxbu iγufan, ill'-as wafa g imi

Lliγ g ufus a mma, Lmexzen bu tudmawin

Gan-aγ d ayedda ran, tirra-nnes as i-d-iwin

Nnan γif-i a mma nγiγ yan g La Fac

Nnan γif-i amuγ tuzzalt ayd d-usiγ

Kkiγ γur Lbulis, yumayen i-ttemgaren

Llan gar iwaliwen, baṭaṛ d id lbunit

Zriγ s γur Lwakil annayeγ ayedda nnan

gan-i is lliγ g wawal d imi-nw ayd d-kkan

Zriγ s γur Lqaḍi, nniγ-asen ayedda riγ

Nniγ-as ka ur ti-giγ, cchud-inw ad ten-d-awiγ

Zriγ s Lmeḥkama, lḥebs ičča beεda yul

Uridd yat ayd i-nnan rarat-ten ard d-yuγul

A mma-nw ar sγuyyuγ ammas n id lbiru

Ul-inw ar ttumumen, afus yumeẓ gaṛṛu

Meqqaṛ da γur-i d-ttekkam ha-yi bixir

Asusent turin-inw s waggwu-nnem a tabaγγa

Unna iran ad yisin mayd iswa g ddunit

Ddun s lḥebs a nn ẓar-s ddun winna d-illa

Addag γur-k walu lbas ur da ttemziriyen

Wanna kwen-ikettin g ccedda ira-k bla ka

Mujan n Tuda

Tucka, Imteγren, Anebdu 2008