نشر بتاريخ 06 يونيو 2017 12:19:21

Lukan ulac Lukan
tilaq ur d-lulen wurfan
Ur tettili lfetna
Imi negla s lḍufan
Ɛreqn- as isɣan
Wa yettara-tt-id ɣef wa
Lukan ulac lukan
Adfel ur ittuɣal d aman
Ur tettili ccetwa
Aman xelqen-d iɣeẓran
Glan s wayen ur d-bnan
Adrar rran-t-id d luḍa
Nekk ur lliɣ d afennan
Neɣ ur cubaɣ deḥman
Ḥemleɣ kan ad ttili lhwa
Mačči d ayen iyi-ɛnan
Ttaruɣ iwidak yestufan
Semman-yi medden nniya
Teḍra-yi am umedyaz yenfan
Ssebba d lǧiran
Ggullen ar d-yesmesden tira
Nekk lluẓeɣ awidak yerwan
Kkreɣ ččiɣ asennan
Zriɣ i t-iḥemmlen d lhacya
Uraɣ taqsiṭ s lmizan
Leqqmeɣ-tt s iɣeblan
Tefka-iyi-d zzeriɛa
Zzeriɛa tfuk ur tban
D amcum i tt-yeččan
Megreɣ ayen ur nesɛi lfayda